Nytt nettverk skal styrke kommunepsykologane i Salten

Kommunepsykologane i fem Salten-kommunar har gått saman i eit nytt fagleg nettverk for å styrke samarbeid, støtte og erfaringsutveksling, skriv Saltenposten.
Initiativet starta våren 2025 og har allereie resultert i fire samlingar.
Bakgrunnen er lovendringa frå 2020 som pålegg alle kommunar å ha psykologkompetanse i helse- og omsorgstenestene. Særleg distriktskommunar har slite med rekruttering, då mange psykologar står åleine i rolla.
– Eg kjende på behovet for eit kollegialt fellesskap, seier initiativtakar Anne Martha Nordnes frå Steigen.
Nettverket planlegg to til tre møte per halvår, både digitalt og fysisk.
Med i nettverket er kommunepsykologar frå Saltdal, Steigen, Sørfold, Beiarn og Gildeskål. Hamarøy blir med framover.