Satsar på infrastruktur langs kysten
Written by on 6. oktober 2023
Regjeringa vil styrke satsinga på tiltak innan kyst, fiskerihamner og farleier.
– Trygge og tilgjengelege hamner og farleier er viktig for større verdiskaping, utvikling av lokalt næringsliv og busetjing langs kysten. God infrastruktur er heilt nødvendig for styrkje dei fiskeriavhengige kystsamfunna. Derfor er dette ei viktig prioritering for regjeringa, og vi kjem nå i gang med eit område der det blei full stopp under den førre regjeringa, seier fiskeri- og havminister Bjørnar Skjæran (AP).
Regjeringa vil i 2024 starte opp tre store fiskerihamnetiltak i Troms og i Finnmark, i tillegg til to store farleistiltak i Vestland og Østfold. Prosjekta kjem i tillegg til ei rekke andre tiltak Kystverket allereie er i gong med. I alt vil det bli nytta om lag 615 millionar kroner til store tiltak i fiskerihamner og utbetringar i farvatnet.
Utbetringar i farvatnet og fiskerihamnetiltak i 2024:
Mehamn fiskerihamn i Gamvik kommune, Finnmark – planlagt ferdigstilt i 2025
Husøy fiskerihamn i Senja kommune, Troms – planlagt ferdigstilt i 2025
Kjøllefjord fiskerihamn i Lebesby kommune, Finnmark – planlagt ferdigstilt i 2026
innsegling Mo i Rana i Rana kommune, Nordland – planlagt ferdigstilt i 2026
innsegling Borg i Fredrikstad kommune, Østfold – planlagt ferdigstilt i 2026
utdjuping Mortingbåen i Kinn kommune, Vestland – planlagt ferdigstilt i 2024
innsegling Florø i Kinn kommune, Vestland – planlagt ferdigstilt i 2025
Bognes-Tjeldsundet-Harstad i kommunane Narvik, Lødingen, Tjeldsund og Harstad, Nordland og Troms – planlagt ferdigstilt i 2026
Svolvær-Raftsundet i kommunane Vågan og Hadsel, Nordland – planlagt ferdigstilt i 2024
