Misførnøgde Besiktas-fans konfronterte laget

Fansen til Besiktas var ikkje nøgde etter nederlaget i Bodø. Dei konfronterte sitt eige lag utanfor Scandic Havet i Bodø etter kampen, ifølge Avisa Nordland.
Torsdag kveld vann Bodø/Glimt 3-1 over tyrkiske Besiktas på Aspmyra stadion.
Glimt-fansen var i ekstase då dommaren blåste i fløyta. Men hos dei tilreisande frå Tyrkia gjekk det andre vegen. Eit titals sinte supportarar troppa opp utanfor Scandic Havet då Besiktas-spelarane skulle ut av bussen og inn på hotellet.
Ein video publisert på nettstaden TRT Spor, viser at teknisk direktør for klubben, Burak Yılmaz, forsøker å roe gemytta omringa av politiet og andre som ville sjå på.
Politiet i Nordland bekreftar at dei rykka ut til hendinga, men at det var udramatisk.
– Vi hadde ein del patruljar i sentrum etter kampen, som vi alltid har. Då var vi blant anna ved Scandic der nokre supportarar hadde møtt opp for å gi ei tilbakemelding på kampresultatet. Dei var vel ikkje veldig nøgde, seier Tommy Bech, operasjonsleiar i poltiiet, til avisa.
– Politiet var der for å vise sin synlegheit, førebyggande politiarbeid rett og slett. Ingen skadde, inga straffesak, ingenting, seier Bech.