Fleire lokale studietilbod får pengar

I år er det Nord-Noreg som får mest pengar.
Regjeringa fordeler 200 millionar kroner til desentraliserte utdanningar og studiesenter.
Fagskular, høgskular og universitet får til saman 150 millionar kroner til 39 nye desentraliserte og fleksible utdanningar, opplyser ho i ei pressemelding.
I tillegg får 27 studiesenter over heile landet til saman 50 millionar kroner. Det er for å legge til rette for fleire lokale studietilbod.
– Det blir satsa i nord. Meir enn ein tredjedel av pengane til studiesentera går til dei nordlegaste fylka. Gjennom studiesenter og desentraliserte tilbod treffer utdanninga ei anna målgruppe enn med dei ordinære tilboda, seier Siv Mossleth (Sp) som er stortingsrepresentant for Nordland.
– I dagens situasjon med mangel på fagfolk må vi treffe breiare, seier Mossleth.
I år er det UiT – Noregs arktiske universitet og Nord universitet som får klart mest pengar til desentraliserte og fleksible utdanningstilbod, står det i pressemeldinga.
– Vi veit at mange kommunar i Nord-Noreg slit med å få tak i nok folk med rett kompetanse. Slike tilbod er ein av nøklane til å få utdanna nok folk til viktige velferdstenester og næringsliv, seier Mossleth.
Det er Direktoratet for høgare utdanning og kompetanse som administrerer ordninga og behandlar søknadane.
Disse studiestadene i Nordland får pengar:
Studiesenteret RKK Vefsn:
2. 550 000
Studiesenter RKK Ytre Helgeland:
2. 550 000
Studiesenter KiGOK:
2. 537 718
RKK Studiesenter Vesterålen:
2. 499 850
I tillegg får nokre prosjekt i Nordland som kallast «fleksible utdanningar» pengar frå regjeringa.