Høgre antydar at dei kunne gått med på ein lakseskatt på 15 prosent

I Politisk Kvarter måndag antydar Høgre at dei kunne ha vore med på ein skattesats på 15 prosent.
– Vi ønska å sjå på moglegheita for eit moderat opplegg. Det betyr at vi meiner at satsen må betydeleg ned, seier Helge Orten frå Høgre i Politisk kvarter.
– Vi antyda at vi måtte ned til 15 prosent, legg han til.
15. mai la regjeringa fram eit forslag til eit justert forslag til lakseskatten.
Forhandlingane braut saman 24 timar seinare då Høgre, Venstre og Kristeleg Folkeparti braut samtalane med regjeringspartia og SV. Ifølgje Geir Pollestad (Sp) var Ap og Sp villige til å senke skattesatsen til 30 prosent.
SV ønska i utgangspunktet ein skattesats på 48 prosent. Kari Elisabeth Kaski fortel at dei likevel kunne gått med på ein lågare skattesats for å få til eit breiare forlik:
– Nokon gonger er det verdt å gå med på ein lågare skattesats for å få meir stabilitet, seier Kaski.
– Men det går ei grense for kor lågt ein kan gå, legg ho til.
Høgre hadde i utgangspunktet eit landsmøtevedtak om å avvise regjeringa sitt forslag om grunnrenteskatt på havbruk.
– Viss vi kan bidra til framtidsvisse over tid så kunne vi gått inn for eitt forlik. Men det betyr eit heilt anna skatteprosent enn det vi no ser, seier Orten.