Har leigd ut to minihus ulovleg
Written by on 1. mars 2023
Eigaren av hytta som blåste på havet i Moskenes har leigd ut to minihus i nabokommunen Flakstad, utan løyve.
Det melder Lofotposten.
Utbyggar av hyttene på Å, Vidar Femdal Røe, har gjennom sitt selskap sett opp to minihus i Andopen i Flakstad. Ifølge Lofotposten har minihusa i Flakstad vore leigd ut utan nødvendig løyve sidan mars 2022.
For å leige ut hus og hytter er det krav om ferdigattest eller midlertidig bruksløyve.
– Kommunen har vore i dialog med utbyggarane både før og etter ulykka på Å, og minna dei på at dei ikkje kan ta i bruk bygga. Dei har ikkje ferdigattest eller midlertidig bruksløyve, seier Joakim Heggem til avisa.
Han er kommunalsjef for teknisk avdeling i Flakstad kommune.
Likevel ligg begge minihusa ute på Airbnb og andre bookingsider. Bygga har vore utleigd, og i alt har 28 gjestar på Airbnb skrive anmeldingar om overnattingstadane i løpet av det siste året.
Lofotposten har forsøkt å få tak i Vidar Femdal Røe i Lofoten Homes på telefon utan hell. Han har ikkje svart andre spørsmål om at hyttene ifølge Flakstad kommune har vore leig ut utan nødvendige løyve før og etter ulykka på Å.
