Mange søkarar til Batterifagskulen
Written by on 4. desember 2022
116 personar har søkt opptak til dei 60 plassane som er tilbydde. Det skriv Fagskulen i Viken.
Batterifagskulen er eit samarbeidsprosjekt mellom Fagskulen i Nordland og fagskulane i Rogaland, Vestland, Innlandet og Viken.
– I ein arbeidsmarknad som for tida har høgt press og låg arbeidsløyse var det knytt ekstra spenning til søkartala, seier rektor Eirik Hågensen ved Fagskulen i Viken.
Første fysiske samling for studentane med offisiell opning av studiet er planlaget i Mo i Rana i veke 3.
– Det er svært gledeleg at mange vil vere med på denne utviklinga, seier Hågensen.
Søkarane er godt spreidde frå heile landet, når det gjeld både alder og bustad.
