Investerer åtte milliardar i nye radaranlegg

Forsvaret skal investere åtte milliardar i åtte nye radaranlegg som skal bli Nato sine auge i nord, ifølge Forsvarsmateriell.
Det fortel Gro Jære, direktør i Forsvarsmateriell (FMA) til Forsvarets Forum.
Dei skreiv i 2019 at dei nye radarane skal erstatte dei eldste radarane for luftovervaking i Noreg.
– Store delar av dagens radarar nærmar seg raskt slutten av si levetid og må bli fornya for å møte framtida sine utfordringar, sa dåverande forsvarsminister Frank Bakke-Jensen.
Fem radaranlegg skal bli etablert på nye stader, mens tre eksisterande radarstasjonar skal bli vidareført.
Forsvarsmateriell skal sikre seg eigedom i Vestvågøy i Nordland, Vardø i Finnmark, Namsos i Trøndelag, Vågsøy i Sogn og Fjordane. Dette er i tillegg til Ringerike, Os og Tolga i Hedmark og Bjerkreim og Eigersund i Rogaland.