Tre personar frakta til sjukehus etter trafikkulykke
Written by on 27. oktober 2022
På fylkesveg 17 i Meløy har det skjedd ei trafikkulykke ved Neverdal mellom Ørnes og Glomfjord.
Totalt fem personar og tre køyretøy er involvert i ulykka.
– Tre personar er sendt til sjukehus med ambulanse. To av dei involverte er vurdert som uskadde.
Det seier Tommy Bech, operasjonsleiar i Nordland politidistrikt.
Dei tre personane har ukjent skadegrad. Politiet er på staden og gjer undersøkingar.
Der er nokre trafikale utfordringar på staden, då bilane står delvis i vegbana. Bilberging er på veg.
Bech fortel at dei pratar med dei involverte partane.
– Det er for tidleg å seie noko om årsak, men det vi veit med sikkerheit er at det er glatte vegbaner.
