To personar til sjukehus etter trafikkulykke

To personar er frakta til sjukehus med ambulanse etter ei trafikkulykke på Hammerveien på Mo i Rana.
Politiet meldte om hendinga klokka 05.06 i dag.
Skadeomfang er ukjent.
Det fortel operasjonsleiar i politiet i Nordland, Remi Johansen.
– Begge personane var komne seg ut av bilen på eiga hand då naudetatane kom til staden, og er frakta vidare til akuttmotaket på sjukehuset, seier Johansen.
Ulykka skal ha skjedd i ei kurve, og bilen med to personar har køyrt av vegen på veg opp til Hammern på Mo. Der har dei køyrt av vegen og fått omsving på bilen.
Dei to involverte opplyste om smerter i ulik grad og blir no undersøkt av helsepersonell.
Det er ingen mistanke om køyring i rusa tilstand.