Flyr tapte 279 millionar i andre kvartal
Written by on 26. august 2022
Flyselskapet Flyr fekk eit driftsresultat på minus 279,5 millionar kroner i andre kvartal, og hadde ein omsetnad på 339 millionar kroner.
Selskapet opplyser at over 735.000 gjestar har vore om bord frå april til juni.
I første kvartal fekk selskapet eit driftsunderskot på 212 millionar kroner og hadde driftsinntekter på 82 millionar kroner.
Administrerande direktør Tonje Wikstrøm Frislid seier andre kvartal har vore prega av vekst i kapital og lansering av nye ruter. Dette er i tillegg til rekruttering og opplæring av nye medarbeidarar.
– Vi gjekk frå fire fly i vintersesongen til ti fly i trafikk i sommar, opna 44 ruter til 38 destinasjonar og tilsette om lag 150 nye kolleger, noko som openbart inneber betydelege kostnader i investering, seier Frislid.
